Dhaulagiri (Nepali: धौलागिरी dhaulāgirī) is 'n berg in die Himalaja wat net suid van die grens tussen Nepal en Tibet (Volksrepubliek van Sjina) geleë is. Met 'n hoogte van 8 167 meter is dit die sewende hoogste berg van Asië en die wêreld ná die Berg Everest, die K2, die Kangchenjunga, die Lhotse, die Makalu en die Cho Oyu. Die Dhaulagiri is net 35 km wes van die Annapurna geleë. Die naam van die berg is afgelei van die Sanskrit-woorde धवल (dhawala), "skitterende, wit, mooi", en गिरि (giri) "berg".