Klein Bonaire is 'n taamlik klein en onbewoonde eiland van 6 km² groot voor die kus van Bonaire. Dit lê reg voor die hoofstad Kralendijk op 'n afstand van ongeveer 800 meter. Die eiland is heeltemal vlak en slegs met klein struike (hoofsaaklik acacias) en verskillende soorte kaktusse begroei. Met die begin van die duiktoerisme op die eiland wou projekontwikkelaars op Klein Bonaire ontspanningsoorde bou. Duikdiensverskaffers op die eiland, gesamentlik met enkele natuurbeskermers, het dit verhoed, en nou is Klein Bonaire 'n beskermde gebied wat deel uitmaak van die Bonaire National Marine Park.
Klein Bonaire is baie gewild as duikbestemming. Die oorde op Bonaire versorg daagliks duik- en snorkeluitstappies na die eiland. Die rif rondom Klein Bonaire begin reg op die strand en loop deur tot sowat 35 m diepte. Die eiland is bekend vir die groot aantal van die seeperdjies en ander seelewe. Klein Bonaire is ook 'n nesplek vir seeskilpaaie (veral die leerskilpad en Eretmochelys imbricata, die 'regte karetskilpad').
