Die Mwerumeer (Engels: Lake Mweru) is 'n varswatermeer geleë op die grens tussen die Demokratiese Republiek van die Kongo en Zambië. Die meer het 'n oppervlakte van 5 120 vierkante kilometer en 'n diepte van tot 83 meter en is gemiddeld 40 meter diep. Mweru beteken "meer" in verskeie Bantoetale, dus word die meer dikwels net Mweru genoem.
Die Mwerumeer is een van die Groot Mere van Afrika se kleinste mere en is sowat 150 km suid van die Tanganjikameer se suidelike oewer geleë. Die grootste riviere, wat in die Mwerumeer vloei, is die Luapularivier en die Kalungwishirivier. Die grootste rivier, wat uit die Mwerumeer uitmond, is die Luvuarivier, 'n sytak van die Kongorivier.
