Die Notre Dame is 'n katedraal in vroeggotiese styl. Die Notre Dame is gebou op die eiland in die middel van die rivier die Seine ("Ile de la Cité") in die sentrum van Parys. Die katedraal is gebou in opdrag van die biskop Maurice de Sully in die tyd van Lodewyk VII. Die eerste steen is in 1163 geplaas deur pous Alexander III. Die katedraal is in 1345 voltooi.
Die katedraal het vanaf 1845 'n 23-jarige restourasie ondergaan deur E.E. Viollet-le-Duc, nadat die katedraal beskadig is tydens die Franse Rewolusie. Sedert 1991 is daar 'n nuwe restourasie aan die gang wat amper voltooi is.
Die Notre Dame is 130 meter lang, die twee nie-afgeboude torings het altwee 'n hoogte van 69 meter. Die torings kan beklim word en bied 'n uitsig oor die stad.