Die Rio Iguazú (Portugees: Rio Iguaçu; [ˈʁi.u iɡwaˈsu], Spaans: Río Iguazú, [ˈri.o iɣwaˈsu]) is 'n groot wes-vloeiende rivier in Suid-Amerika. Die rivier, met 'n lengte van 1 320 km, is 'n oostelike sytak van die Río Paraná.
Die Rio Iguazú ontspring naby die Brasiliaanse stad Curitiba. Aansluitend vloei die rivier in 'n westelike rigting en mond by Foz do Iguaçu op die Argentyns-Brasiliaanse grens in die Río Paraguay uit. Net voor sy monding bereik die Rio Iguazú die bekende Iguazú-waterval, sedert 1984 'n Unesco-wêrelderfenisgebied.