Tel Aviv-Jaffo (Hebreeus: תל אביב [tel a'viv], Arabies: تل أبيب) is die tweede grootste stad in Israel na Jerusalem en die land se ekonomiese sentrum. Die metropolitaanse gebied van Tel Aviv (Gush Dan), wat stedelike nedersettings soos Ramat Gan, Giw'atajim, Cholon, Bat Yam en Bnei Brak insluit, is die grootste in die land met 'n bevolking van 3,7 miljoen.
Danksy die ligging aan die Middellandse See het Tel Aviv tot 'n belangrike seehawe ontwikkel.