Hemeltempel

Die Hemeltempel of Tempel van die Hemel (tradisionele Chinees: 天壇, Tiāntán) is ’n keiserlike godsdienskompleks in die suidooste van Sentraal-Beijing. Die kompleks is besoek deur kesiers van die Ming- en Qing-dinastie vir jaarlikse seremonies waarin tot die hemel gebid is vir ’n goeie oes. Dit word soms ’n Taoïstiese tempel genoem, hoewel Chinese hemelaanbidding, veral deur keisers, van voor Taoïsme dateer.

Geskiedenis

Die tempelkompleks is van 1406 tot 1420 gebou tydens die bewind van keiser Yongle, wat ook verantwoordelik was vir die oprig van die Verbode Stad in Beijing. Tydens die bewind van keiser Jiajing in die 16de eeu is die tempel uitgebrei en het dit sy huidige naam gekry. Jiajing het ook drie ander tempels in die stad laat bou: die Sontempel (日壇) in die ooste, die Aardtempel (地壇) in die noorde en die Maantempel (月壇) in die weste. Die Hemeltempel is in die 18de eeu onder keiser Qianlong gerestoureer. Teen dié tyd was die staatsbegroting nie groot genoeg nie, en dit is die laaste keer dat die kompleks in keiserlike tye op groot skaal gerestoureer is.

Die tempel is tydens die Tweede Opiumoorlog deur die Anglo-Franse Alliansie beset. In 1900, tydens die Bokserrebellie, het die Agtlandeverbond die kompleks beset en dit vir sowat ’n jaar in ’n tydelike bevelspos omskep. Die tempel is deur die besetting ontheilig en die kompleks en tuin is erg beskadig. Daar was ook berigte oor die diefstal van artefakte. Ná die val van die Qing-dinastie is die tempel sonder toesig gelaat en die daaropvolgende verval het daartoe gelei dat verskeie sale ineengestort het.

In 1914 het Yuan Shikai, destyds die president van die Republiek van China, ’n Ming-gebedseremonie in die tempel gehou in ’n poging om hom as keiser verklaar te kry. In 1918 is die tempel in ’n park omskep en vir die eerste keer vir die publiek oopgestel.

Die Hemeltempel is in 1998 as ’n Unesco- wêrelderfenisterrein aangewys.

Geboue en uitleg

Die kompleksterrein is 2,73 km2 groot en bevat drie groot gebouegroepe, wat almal volgens streng filosofiese vereistes gebou is:

  • Die Bidsaal vir Goeie Oeste (祈年殿) is ’n pragtige ronde gebou met drie geweldakke wat 36 m breed en 38 m hoog is en waar die keiser vir goeie oeste gebid het. Dit staan op ’n driedubbele marmerblad. Die hele gebou is van hout, met geen spykers nie. Die oorspronklike gebou is in 1889 verwoes in ’n brand wat deur weerlig veroorsaak is. Die huidige gebou is ’n paar jaar later opgerig.
Hemeltempel
Name (taalvariante)
Tradisionele Chinees   天壇
Vereenvoudigde Chinees   天坛
Pinyin Tiāntán
  • Die Keiserlike Hemelgewelf (皇穹宇) is ’n ronde gebou met ’n enkele geweldak wat op ’n marmerblad staan. Dit lê suid van die Bidsaal en lyk dieselfde, maar is kleiner. Dit word omring deur ’n ronde muur, die Eggomuur, wat klank oor groot afstande kan laat weerklink. Die Hemelgewelf word deur ’n lang, hoë loopweg met die Bidsaal verbind. Die koepel het geen dwarsbalke wat dit ondersteun nie.
  • Die Ronde Heuwelaltaar (圜丘坛) is die eintlike altaar en is suid van die Keiserlike Hemelgewelf geleë. Dit is ’n kaal, ronde platform op ’n driedubbele marmervlak wat elk met uitgekerfde drake versier is. Die getal elemente van die altaar, insluitende die trappe en relings, is óf die heilige syfer nege óf veelvoude daarvan. Die middel van die altaar is ’n ronde leisteen, wat die Hart van die Hemel (天心石) of die Opper-Jang (太阳石) genoem word. Hier het die keiser vir gunstige weer gebid. Danksy die altaar se ontwerp is die klank van die gebed deur die skutreling weerkaats en dit het ’n aansienlike weerklank geskep wat veronderstel was om die gebed met die hemel te help kommunikeer. Die altaar is in 1530 deur Jiajing laat bou en in 1740 herbou.

Seremonies

In antieke China is die keiser beskou as die "Seun van die Hemel" wat aardse sake namens, en as verteenwoordiger van, hemelse gesag uitvoer. Dit was belangrik dat die volk sien hy betoon respek teenoor die bron van sy gesag, in die vorm van offerandes aan die hemel. Die tempel is gebou vir hierdie seremonies, wat meestal bestaan het uit gebede vir goeie oeste.

Twee keer per jaar sou die keiser en sy gevolg van die Verbode Stad af na die kompleks reis en daar oorbly; hulle sou spesiale klere dra en geen vleis eet nie. Geen gewone Chinees is toegelaat om teenwoordig te wees nie. Die keiser sou persoonlik vir ’n goeie oes bid. Hy sou die seremonie met die wintersonstilstand op die Aardse Heuwel hou. Dit moes perfek uitgevoer word; daar is algemeen geglo die kleinste fout kon vir die volgende jaar slegte gevolge vir die hele volk inhou.

Simbolisme

Die aarde is met ’n reghoek voorgestel en die hemel met ’n sirkel. Verskeie eienskappe van die tempelkompleks simboliseer die verband tussen die aarde en die hemel, en tussen die reghoek en die sirkel. Die hele kompleks word omring deur twee mure; die buitenste muur het ’n hoër, halfronde noordelike deel wat die hemel voorstel en ’n korter, reghoekige suidelike deel wat die aarde voorstel. Beide die Bidsaal vir Goeie Oeste en die Ronde Heuwelaltaar is rond, en elk staan op ’n vierkantige stuk grond, wat weer eens die hemel en aarde voorstel.

Die syfer nege verteenwoordig die keiser en kom voor in die ontwerp van die Ronde Heuwelaltaar: ’n Enkele ronde marmerblad word omring deur nege blaaie, dan ’n ring van 18 blaaie, ens. totdat die buitenste een van nege ringe nege maal nege plate bevat.

Die Bidsaal het vier binneste, 12 middelste en 12 buitenste pilare, wat onderskeidelik die vier seisoene, die 12 maanmaande en die 12 tradisionele Chinese tweeuurtydperke verteenwoordig. Die vier binneste steunpilare beeld drake uit en hou die struktuur, wat die styl van ’n antieke Chinese paleis naboots, regop. Saam verteenwoordig die 12 middelste en 12 buitenste pilare die tradisionele sonterme. Al die geboue in die tempel het spesiale, donkerblou dakteëls wat die hemel voorstel.

Die Sewestersteengroep oos van die Bidsaal verteenwoordig die sewe pieke van Berg Tai, ’n plek van hemelaanbidding in klassieke China.

Park

Die omringende park is taamlik groot; dit beslaan 267 ha. Dele daarvan is speel- en oefenterreine. Dit word algemeen deur volwassenes en kinders gebruik. Van die oop ruimtes en buitegeboue word gebruik vir koor-, dans- en ander uitvoerings.

Toegang

Die park self is daagliks van 06:00 tot 22:00 oop. Die terreine in die park wat besoek kan word, is van April tot Oktober van 08:00 tot 17:30 oop en van November tot Maart tot 17:00. Daar is ’n klein toegangstarief.

Bronne

Eksterne skakels

In die volgende kategorieë gelys:
Lewer kommentaar
Wenke
Reël deur:
GiulyGinevraB.
29 August 2014
One of the best attractions in BJ. This amazing temple is surrounded by a big park where you can see old Chinese people play chess or create small cute souvenir. Place to go. #theitalianbeijinger
Olly Stedall
15 August 2014
The Temple of Heaven is not one building but actually a complex of buildings including the Hall of Prayer for Good Harvests (pictured), The Imperial Vault of Heaven and the Circular Mound Altar.
Andrew 翁 Òng
6 December 2014
天坛 - Spectacular scenic views & famous landmark & historic site in Beijing as well as China. One of the tourist spot must visit when you're in Beijing. 061214
Alevtina Ryabokon
31 March 2016
Must see! The best place in Beijing!dont forget to walk around park. Very interesting to see how domestic people enjoy time at weekends!
Stacy Bo Bacy
31 May 2017
The Temple of Heaven (TianTan) was where emperors of the Ming and Qing dynasties would make offerings to heaven and pray for good harvests. The temple really is gorgeous.
Defeng Bob NIU
12 December 2018
The Temple of Heaven on a sunny day is really beautiful. The sunshine sprays on the palace gate to form a beautiful light and shadow. After 3 p.m., visitors will gradually be less.
Laai meer kommentaar
foursquare.com

Hotelle in die omgewing

Sien alle hotelle Sien alles
HILTON BEIJING

vanaf $0

Grand Hotel

vanaf $152

Tiananmen Best Year Courtyard Hotel

vanaf $76

Days Inn Forbidden City Beijing

vanaf $81

HOLIDAY INN EXPRESS BEIJING DO

vanaf $0

Pai Hotel Beijing Qianmen Dazhalan

vanaf $43

Aanbevole toerisme-aantreklikhede in die omgewing

Sien alles Sien alles
Voeg by wens-lysie by
Ek was al hier
Besoek
Circular Mound Altar

The Circular Mound Altar (圜丘坛) is an outdoor empty circular platf

Voeg by wens-lysie by
Ek was al hier
Besoek
Temple of Agriculture

The Xiannongtan (先农坛), or the Temple of Agriculture or Altar of Agric

Voeg by wens-lysie by
Ek was al hier
Besoek
Underground City (Beijing)

The Underground City (simplified Chinese: 地下城; traditional Chine

Voeg by wens-lysie by
Ek was al hier
Besoek
Zhengyangmen

The Qianmen (simplified Chinese: 前门; traditional Chinese: 前門; pinyin:

Voeg by wens-lysie by
Ek was al hier
Besoek
Mausoleum of Mao Zedong

The Chairman Mao Memorial Hall (simplified Chinese:

Voeg by wens-lysie by
Ek was al hier
Besoek
Monument to the People's Heroes

The Monument to the People's Heroes (Шаблон:Zh), Beijing, is a ten-s

Voeg by wens-lysie by
Ek was al hier
Besoek
Plein van die Hemelse Vrede

Die Plein van die Hemelse Vrede of Tiananmen-plein (tradisionele

Voeg by wens-lysie by
Ek was al hier
Besoek
Great Hall of the People

The Great Hall of the People (simplified Chinese:

Soortgelyke toeriste-aantreklikhede

Sien alles Sien alles
Voeg by wens-lysie by
Ek was al hier
Besoek
Pashupatinath Temple

Pashupatinath temple (पशुपतिनाथ मन्दिर) is a Hindu temple located on

Voeg by wens-lysie by
Ek was al hier
Besoek
Twyfelfontein

Twyfelfontein is 'n waterbron in die berge van Damaraland in Namibië,

Voeg by wens-lysie by
Ek was al hier
Besoek
Our Lady of Ljeviš

Our Lady of Ljeviš (Serbian: Богородица Љевишка, Bogorodica Ljeviš

Voeg by wens-lysie by
Ek was al hier
Besoek
Balıklıgöl

Balıklıgöl (or Pool of Abraham, Halil-Ür Rahman Lake), is a lake in

Voeg by wens-lysie by
Ek was al hier
Besoek
San Salvador, Venice

The Chiesa di San Salvatore (of the Holy Saviour) is a church in

Sien alle soortgelyke plekke