Die Victoriameer (Engels: Lake Victoria, Swahili: Viktoria Nyanza) is die grootste meer in Afrika, geleë op die grensgebied van Kenia, Tanzanië en Uganda, met 'n oppervlakte van 68 800 vierkante kilometer en 'n diepte van tot 83 meter en 'n gemiddeld van 40 meter diep. Die meer is genoem na koningin Victoria en is deel van die Groot Mere van Afrika en die Groot Skeurvallei.
Die grootste stad aan die meer is Kampala, die hoofstad van Uganda. Dit is naby die noordoewer van die meer geleë, waar dit laat in die negentiende eeu gestig is. Daar woon sowat 30 miljoen mense aan die meeroewer in 2007.
Uit die Victoriameer ontspring die Wit Nyl, een van twee bronne van die Nylrivier.